"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

12 сакавіка творчая група тэлепраекта “Наперад у мінулае” з БТ 3 наведалі Кругліцкі СДК з мэтай запісу народных песень нашай мясцовасці і элементу вясельнага абраду. Народны фальклорны калектыў “Кругліца” паказаў для іх элемент вясельнага абраду “Выкраданне посуду і хатняй птушкі пры ад’ездзе з хаты маладухі”, у час якога праспявалі дзве вясельныя песні “Борам, барамі” і “А па загор’ю”, станчылі мясцовы танец “Тапатуху”. А яшчэ ў час запісу перадачы народны калектыў выканаў сем народных песень, запісаных у час экспедыцый ад жыхароў Кругліцкага сельсавета: “Маці сына ў войска выпраўляла”, “Ой, хацела ж мяне маць”, “Сонейка паходзіць”, “Ой, гара, гара, да ты высокая”, “Сядзіць голуб на дубочку”, “Я іду, іду”, “Сею рэдзьку, сею”.