28 красавіка народны фальклорны калектыў “Кругліца” прайшоў па пяці вуліцах в.Кругліца з абрадам “Валачобнікі”, у час якога ўдзельнікі спявалі валачобныя песні, звярталіся з просьбай да гаспадароў адарыць валачобнікаў і жадалі гаспадарам дабрабыту, моцнага здароўя, поспехаў у вядзенні гаспадаркі, а таксама дзякавалі за пачастункі. Гаспадары прымалі валачобнікаў з цеплынёй і былі вельмі ўдзячны ім, запрашалі і ў наступны год наведаць іх на Вялічка.