 23 мая ў Кругліцкім СДК-філіяле №5 прайшло свята народнага календара “Прыйшоў бы Мікола, а цяпло будзе”, у час якога гаспадыні прымалі гасцей, спявалі песні, танчылі, успаміналі народныя прыкметы на час гэтага свята, сваю маладосць. Па народным календары 22 мая адзначаецца дзень вясновага Міколы, у гэты дзень трэба карміць бедных, даваць міласціню, каб пазбегнуць ліха на працягу года. Свяціцель Мікалай выступае як апякун земляробаў, клапоціцца пра ўраджай. А яшчэ на Беларусі дзень Міколы веснавога лічыўся святам конюхаў. На Міколу выганялі коней на поле, на начны падножны корм. На вясновага Міколу нашы продкі хадзілі ў царкву, а затым накрывалі для сям'і стол, за які, па традыцыі, трэба было абавязкова сесці не менш, чым чатыры разы, прымалі гасцей танчылі, спявалі песні.
|
