"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

19 студзеня у Кругліцкім СДК прайшло свята народнага календара  «Вясковыя калядкі». Вясковыя жанчыны-суседкі сталага ўзросту сабраліся на святкаванне Каляд і ўспамінаюць, як яны ў маладосці адзначалі гэта свята: як весяліліся, у якія гульні гулялі, як варажылі на суджанага. Успаміны праходзілі за  калядным сталом з пачастункамі, дзе яны паспявалі песні, а затым нават і патанчылі.

 У гэты ж дзень, толькі ў 16.30  у СДК прайшоў святочны канцэрт “Новы год  адзначым разам”. У ім удзельнічалі калектывы мастацкай самадзейнасці СДК. Гледачы, хоць іх і было мала, цёпла сустракалі самадзейных артыстаў апладысментамі. У час канцэрта прагучалі песні пра добры настрой, пра зіму, Новы год , каханне. Вядучыя ўзнімалі настрой прысутным дасціпнымі жартамі-падводкамі да музычных нумароў. У канцэрце прымалі ўдзел не толькі дарослыя самадзейныя артысты, але і дзеці – Кацар Дзіяна і Сазонава Таццяна. Канцэрт павесяліў гледачоў,прыўзняў ім настрой, яны былі задаволены і вельмі ўдзячны.