"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

Вячоркі, попрадкі, супрадкі – даўні беларускі звычай вясковых дзяўчат, жанчын збірацца асеннімі і зімовымі вечарамі з работай (найчасцей прасці) у адной хаце. Гэта сезонная форма правядзення вольнага часу ў асенне-зімовы час. На вячорках распавядалі казкі, танцавалі, спалучаючы вольны час з працай. На іх запрашалі музыку. 25 листапада ў філіяле “Кругліцкі СДК” гледачам былі паказаны вясковыя супрадкі “Пасядзім радком, пагаворым ладком”, на якіх былі ўзноўлены такія віды працы нашых продкаў, як сучэнне нітак, расскубанне воўны, змотванне нітак з маткоў у клубкі, цыраванне наскоў. Удзельнікі супрадак не толькі працавалі, але і весяліліся: спявалі песні і прыпеўкі, гулялі ў гульні, танчылі, як рабілі гэта нашы продкі.