"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

З 2021 года ў Беларусі 17 верасня адзначаецца Дзень народнага адзінства. 

Філіял №5 Кругліцкі СДК сумесна з сельскай бібліятэкай-філіялам № 14  да гэтага свята падрыхтавалі і правялі 17 верасня 2022 года тэматычныя канцэрты “Слаўся, народаў братэрскі саюз!” у в.Грынькі  ў 11.00 і Лазукі  12.00.

А таксама правялі мітынг “У адзінстве народа наша сіла” ў 13.00  ля помніка загінуўшым, што знаходзіцца побач з в.Лазукі, на якім прысутнічаў старшыня сельсавета А.М.Перхуровіч,.  Лейтматывам мітынгу сталі словы  загалоўка гэтага мерапрыемства – без адзінства  не будзе і развіцця нашай краіны, а значыць, не будзе ў нас і светлай будучыні, за якую так адднана змагаліся  нашы бацькі і дзяды ў час Вялікай Айчыннай вайны. Напрыканцы мітынгу прысутныя  ўсклалі кветкі да помніка загінуўшым і ўшанавалі іх памяць хвілінай маўчання.

Акрамя таго з 13 па 18 верасня 2022 года  ў СДК была арганізавана выстаўка “Пад мірным небам”, на ёй наведвальнікі ўбачылі і саматканыя ручнікі, і народныя беларускія касцюмы нашай мясцовасці, і снапы збожжа як аснову жыцця, і нацыянальныя сімвалы  нашай краіны і г.д. – тое, што нас яднае пад мірным небам роднай Бацькаўшчыны.

Наведвальнікі былі задаволены ўбачаным.