"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

У Кругліцкім СДК беражліва захоўваюць традыцыі, і святкуюць прыход вясны, сустракаючы яго песнямі, карагодамі, заклічкамі. 23 сакавіка прайшло свята народнага календара "Прыйшлі Саракі, вясну з сабой прывялі". Гэта выдатная забава для дзетак. Супрацоўнікі сельскага Дома культуры, справляя свята "Саракі" далі магчымасць дзецям акунуцца ў атмасферу старажытных традыцый, пазнаёміцца з праваслаўнымі звычаямі, самім прыняць удзел у зазывані вясны.

Аб пачатку новага вітка прыроднага абуджэння першымі абвяшчалі птушкі. Яны вярталіся з Вы-Раю – ад продкаў – і неслі на сваіх крылах вясну. Таму і першае свята новага цыкла абнаўлення павінна быць прысвечана міфічным прадвеснікам – птушкам. А калі яшчэ раз узгадаць, што памежным маркёрам паміж гэтым і «тым» светам з’яўляецца лік сорак, то і свята павінна быць прысвечана выключнай падзеі – вяртанню з выраю «сарака саракоў». Такое свята пад назвай Саракі здаўна бытуе ў народным календары беларусаў.