"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

У сцэнары абрада «Радзіцельская субота», праведзенага 2 лістапада ў Кругліцкім СДК, расказваецца пра правядзенне памінання памерлых родзічаў у час восеньскіх Дзядоў нашымі продкамі. Дзяды, асяніны – народны памінальны абрад, рытуальная вячэра ў памяць памерлых родзічаў. Так называлі і дзень, калі адбываўся гэты абрад, і нябожчыкаў, якіх ушаноўвалі. У гэты дзень гатавалі святочныя абрадавыя стравы: куццю, бліны, клёцкі, яечню, мяса, поліўку, вінегрэт (страў абавязкова павінна была быць няцотная колькасць і не менш сямі ). Падрыхтоўка да гэтага свята ўключала абавязковае ўпарадкаванне і ўборку падвор’я і хаты, прывядзенне ў належны выгляд магіл. На вячэру заклікалі сваякоў, суседзяў. Паводле звычаю, ад кожнай стравы сімвалічна адкладвалі дзядам, налівалі ў чарку гарэлкі. Ёсць звычай нічога не прыбіраць са стала пасля жалобнай вячэры, каб “дзядам” было што есці, калі яны збяруцца ўначы. Пра Змітравы Дзяды таксама казалі: “Жылі дзяды – не бачылі бяды, а ўнукі набраліся мукі”. Абрад сведчыць аб высокай маральнасці земляробаў, вялікай павазе да сваіх папярэднікаў.