"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

Яркай старонкай у правядзенні фестывалю Васіля Цяпінскага стала работа сельскіх падворкаў, удзел у якой прыняў кожны з сельсаветаў раёна.Наш Кругліцкі сельсавет прэзентаваў выставу “Кругліцкае падвор’е”, на якім  ўдзельнікі народнага фальклорнага калектыву “Кругліца” прадэманстравалі прысутным працэс апрацоўкі лёну ў час “Ільняной талакі”, пачынаючы ад яго мяння да атрымання кужалю і зрэб’я. Таксама журы і госці  пагулялі ў гульні, паслухалі беларускія песні ў час міні-канцэрта “Вам у падарунак нашы песні” і пачаставаліся кругліцкімі прысмакамі ў “беларускай хатцы”, а яшчэ на гаспадарскім двары ўбачылі пеўня, ката-качалку, парсючкоў і кароўку, якую змаглі нават “падаіць”.

Наш імправізаваны двор быў поўны людзьмі, якіх з ветлівасцю сустракалі яго гаспадары. 

Прынялі ўдзел ва ўрачыстым адкрыцці фестывалю з песняй “Ручнічок”. 

Увогуле, жыццё ў гэты дзень на кругліцкім падворку кіпела бурнае.