"ЧАШНИКСКИЙ РАЙОННЫЙ ЦЕНТР КУЛЬТУРЫ И НАРОДНОГО ТВОРЧЕСТВА"

Аграрыі  Чашніцкага раёна завяршылі ўборку збожжавых. Па традыцыі кульмінацыя жніва ў кожным раёне -  гэта "Дажынкі". І гэта цудоўнае свята працаўнікоў вёскі правялі ў нашым раёне ў гэту суботу, 24.09.2022 года, у а/г Іванск. 
Народныя майстры і іх творчасць у падворках, дзе ёсць што паказаць. Духмяны хлеб, бліны ды аладкі, спечаныя ад усёй душы, шашлыкі і смажаніна – усё гэта аж дух захоплівала. А яшчэ самыя крэатыўныя караваі ад кожнага сельгаспрадпрыемства. І, вядома ж, песні ад папулярных мясцовых самадзейных артыстаў на канцэрце – ушанаванні перадавікоў жніва 2022 года. 

 Народны фальклорны калектыў “Кругліца” філіяла № 5 Кругліцкі СДК  быў таксама ўдзельнікам гэтага канцэрта. Самадзейныя артысты павіншавалі працаўнікоў жніва песнямі “Каліна-ягада” і “Сею рэдзьку”,  

а таксама паказалі мясцовы абрад в.Кругліца “Хлебная талака”.

Прысутныя дзякавалі ім за гэта бурнымі апладысментамі.