 25 чэрвеня ў Кругліцкім СДК адбылася сустрэча “Чашніччына - бацькоўскі край" з кіраўніком этнафестывалю “SPRAVA” у Белай Царкве Сабуравым Мацвеем, прысвечаная малой радзіме, і быў праведзены міні-канцэрт “Радзіма мая вялікая і малая” для гасцей тэлеканала “АRТЕ”(прадстаўніца Ёанна Міхна) і спявачкі Дарэн Куцке з Германіі. Разам з імі прысутнічалі на мерапрыемстве Якаб Рачак, дырэктар Гётэ-Інстытута (нямецкі культурны цэнтр), здымачная група тэлеканала “АRТЕ” і перакладчыца Вера Дзядок. Спявачка Дарэн правяла майстар-клас па гарлавых спевах, бо яна родам з невялікай горнай вёскі Германіі, з’яўляецца прапагандыстам спеваў сваёй мясцовасці, і праявіла вялікую цікавасць да выканання народным фальклорным калектывам “Кругліца” беларускіх народных песень нашай мясцовасці. Перадача пра яе і наш калектыў будзе паказана ў Германіі на тэлеканале “АRТЕ”. Гэта відыё спявачка паабяцала нам перадаць пад час этнафестывалю “SPRAVA” у Белай Царкве ў жніўні гэтага года , дзе яна таксама будзе выступаць.
|
